Adaptashon di salario bruto pa e areglo di NOW

Kiko eksakto lo ta e konsekuensianan pa atministrashon salarial i gastunan di suèldu a konsekuensha di e retenshon di 20% riba e salario bruto?

Un bahada temporal (retenshon) di e salario bruto naturalmente tin konsekuensha riba e gastunan di suèldu i e salario nèto di e empleadona konserní. Pero kua konsekuensha spesífikamente lo presentá?

Primanan di SVB ZV/ OV

Na promé lugá ta trata di retenshon temporal (òf bahada) di e salario bruto i no di e salario segun SVB. Esaki ta nifika ku e seguronan i primanan di ZV i OV lo permanesé igual. E primanan di ZV/OV mester permanesé den e kalkulashon riba e 100% di e salario bruto inisial.

Impuesto di suèldu, AOV/AWW-, AVBZ- i primanan di BVZ

E impuesto di suèldu i primanan sosial menshoná sinembargo lo baha dor di e bahada temporal di e salario. Esaki, dor ku e base pa e impuesto i primanan tambe lo baha.

Salario nèto

E salario nèto di empleadonan ku temporalmente lo risibí pago di 80% di nan salario, tambe lo baha. Pero no ku 20%. Kua porsentahe esaki lo bira ta dependé di e kategoria salarial e empleado ta, pues no por tradusí e montante pa un porsentahe fiho di salario nèt mas abou.

Den e ehèmpel abou por mira e diferensha spesífiko entre un salario di ANG 2.500,- pa luna, i e mesun salario ora implementá e retenshon temporal di 20%:

Kalkulashon 1: Salario bruto ANG 2.500,- pa luna

Kalkulashon 2: Salario Bruto ANG 2.500,- pa luna menow e retenshon di 20% bruto

A fiha e porsentahe di OV riba 0,5% pa e ehèmpel aki