Petishon pa hende ku a pèrdè trabou (for di 15 di mart)
Hendenan ku a haña retiro for di 15 di mart 2020 por bini na remarke pa un pago sosial di maksimalmente ANG. 1000,- pa luna.
Tene kuenta!
Si bo a yena e formulario digital i apliká pa sosten kaba via di ‘Sosten Laboral’ di Ministerio di Desaroyo Sosial, Labor i Bienestar (SOAW), esaki ta igual na e formulario digital riba e wèpsait aki. Bo petishon ta den proseso kaba. No ta nesesario pa bo bolbe yena e formulario riba e wèpsait aki. E sistema lo duna bo e informe ku bo datonan ta konosí kaba òf lo duná bo un notifikashon di eror.