Empresanan (supsidio pa salario)

E kompensashon pa dunadó di trabou ta igual na entre 18% i 57% di e suèldu total mensual, a base di bahada di benta ku ta premirá (di por lo ménos 25%). Kondishon ta ku e dunadó di trabou ta mantené tur empleado den servisio na trabou i ta sigui paga nan, teniendo na kuenta eventual redukshon a base di aprobashon mutuo.

Splikashon di e areglo

Kambionan desde yüli 2021

  • Pèrdida di benta di mínimo 25% ta rekerí durante e periodo di 3 luna konsekutivo den 2021 (yüli 2021-desember 2021).
  • En kaso di un unidat fiskal lokal, e unidat fiskal lokal mester realisá un pèrdida promedio di benta di mínimo 25% durante e periodo di 3 luna konsekutivo den 2021 (yüli 2021-desember 2021).
  • E porsentahe di pèrdida di benta mensual por ta maksimal 80%.
  • No ta eksigí mas un kontribushon di empleadonan di 20% riba suèldu total bruto.
  • Supsidio di salario pa empleadonan ku tin kontrato di 0 ora no ta posibel mas.
  • Eksigensianan nobo pa kompanianan por risibí supsidio salarial:
    • No tin retraso den entrega di aangifte loonbelasting, omzetbelasting, inkomstenbelasting i winstbelasting( ku eksepshon di e kaso nan ku ahinda no ta posibel pa hasi entrega di aangifte winstbelasting 2020 via di e portal online di Servisio di Impuesto (Belastingdienst)
    • A hasi pago di loonbelasting i prima nan sosial di kada empleado ku ta traha na e kompania independientemente di ku si e empleado ta registrá na SVB.
    • No tin retraso den pago di impuesto mas grandi ku 3 luna di benta (periodo di referensia yüli 2019-september 2019). Ta trata aki di retraso di pago di impuesto ku ta indiskutibel (onbetwist). Si akaso e retraso di pago di impuesto ta trata di impuesto ku aun ta diskutibel (betwist) mester por prueba ku a entrega opheshon si no e parti aki tambe ta keda konsiderá komo impuesto ku ta indiskutibel.
    • E kompania no tin sufisiente rekurso pa kumpli ku tur su obligashon nan aktual.
    • No a paga ningun multa òf kumpli ku kondishon nan indiká pa evitá un proseso penal.
    • E kompania no ta wòrdu persiguí penal pa niun delitu fiskal inkluí den lei di impuesto.
    • E kompania no ta stòp operashon denter di 3 luna despues di a risibí un montante di supsidio salarial.
  • Den kuadro di implementashon di supsidio salarial un kompania grandi ta keda definí komo un kompania ku a risibí un voorschot di supsidio di por lo ménos NAf. 250.000.
  • Eksigensianan adishonal pa kompanianan grandi:
    • No a hasi pago di winstuitkering of bonus den 2020 i 2021;
    • No a hasi kompra di propio akshonnan (eigen aandelen) den 2020 i 2021;
    • No a akumulá reserva den 2020 i 2021;
    • E kompania ta suministrá dokumento nan adishonal en kaso e kompania keda klasifiká komo un kompania grandi.

 

Debí na COVID-19 i e medidanan implementá pa Gobièrnu, un gran kantidat di negoshi i organisashon a haña nan mes konfrontá den un forma inmediato ku pèrdida di entrada. Pa motibu di e pèrdida ku nan a sufri, nan a drenta un situashon kaminda nan mester kuminsá duna retiro na nan empleadonan i tin di nan ta den peliger di bai bankarota.

E Medida di Urgensia Sosten Transitorio pa Empleo (NOW- noodmaatregel overbrugging werkgelegenheid) ta pone e dunadó di trabou den e posishon ku nan por mantené nan empleadonan den servisio i sigui paga nan, asta si temporalmente no tin trabou pa nan. Esaki den forma di un kompensashon (no un fiansa) ku proporshonalmente ta similar na e pèrdida di entrada ku e dunadó di trabou ta konfrontá kuné. E ophetivonan prinsipal ta mantenshon di empleo i prevení un situashon kaminda empresanan ta bai bankarota. Ta solamente posibel pa hasi aplikashon pa e areglo di NOW si e kompania ta operashonal, esta aktivo riba merkado!

Kompanianan por apliká pa kompensashon solamente si e aktividatnan kardinal di nan kompania ta tuma lugá den un di e sektornan menshoná riba e Lista di Sektor; lo kontrolá esaki a base di e registro di kompania di Kámara di Komèrsio. Un dunadó di trabou ku ta premirá pèrdida di entrada (un mínimo di 25%) durante e periodo di 3 luna konsekutivo den 2021(yüli 2021-desember 2021) por entregá un petishon na SVB pa risibí un kompensashon pa gastunan salarial pa luna di yüli 2021, ougùstùs 2021 i sèptèmber 2021. E pèrdida di benta ta e diferensia entre e benta durante e periodo di 3 luna konsekutivo den 2021(yüli 2021-desember 2021) i e benta durante e periodo ekivalente di 3 luna den aῆa 2019(yüli 2019-desember 2019).

Dependé e desaroyonan, e areglo por kontinuá pa e periodo ku ta sigui.

E porsentahe pa kompensashon pa loke ta trata e suma di suèldu ta dependé di e porsentahe di pèrdida di entrada ku e dunadó di trabou ta premirá, segun e siguiente deskripshon:

Kompensashon = 71.6% di e porsentahe di e pèrdida ku ta premirá multipliká pa e suèldu total

E suèldu total ta igual na e sumo di suèldu OV di e luna anterior pa kua e dunadó di trabou a entregá un deklarashon i kual e la paga, i añadí na esaki, es suèldu segun SVB registrá pa 15 di yüli 2019 di e direktornan menshoná den nan statüt, ku ta den servisio aktualmente ku un máksimo di e suèldu máksimo pa dia konforme ordenansa di OV (ANG 5781,- pa luna). Kompanianan ku a lanta despues di 1 di yüli  2019 ta konta komo periodo di referensia e luna ku a lanta e negoshi te na Febrüari 2020. Kompanianan ku ta eksonerá pa loke ta trata impuesto i kompanianan ku a eksperensia un subida sustantivo di nan entrada for di yüli 2019 por inkorporá un otro periodo di referensia òf método, despues ku a konsultá ku e Helpdesk di NOW.

E porsentahe di pèrdida di benta ku por keda yena ta maksimal 80%. Un limitashon adishonal di e porsentahe máksimo di pèrdida di benta ku por keda yena ta posibel si, en bista di e kantidat di petishon risibí i e rekursonan finansiero disponibel, tal limitashon ta deseabel pa logra un distribushon efektivo di e rekursonan finansiero riba e kompanianan ku a hasi petishon pa asina konserva empleo.

Ehèmpel:

  • Bahada di entrada primaria ta 80%; kompensashon = 71.6%* 80% = 57 % di e suma di entrada (loonsom);
  • Bahada di entrada primaria ta 75%; kompensashon = 71.6%* 75% = 54 % di e suma di entrada (loonsom);
  • Bahada di entrada primaria ta 50%; kompensashon = 71.6%* 50% = 36 % di e suma di entrada (loonsom);
  • Bahada di entrada primaria ta 25%; kompensashon = 71.6% * 25% = 18% di e suma di entrada (loonsom).

Si akaso e bahada di entrada real ta mas abou ku a primaria i konsekuentemente e kompensashon tabata muchu haltu, lo rekobrá e diferensia na final di e periodo di kompensashon for di e dunadó di trabou, sin but.

Den e kompensashon di NOW tambe tin inkluí un kompensashon pa e kontribushon di dunadó di trabou AOV/AWW. 

Tur dunadó di trabou ku ta skohe pa hasi uso di e medida di urgensia aki, durante e periodo ku ta hasi uso di e areglo, ta obligá na paga tur su empleadonan ku ta registrá na SVB, i ta obligá na no entregá petishon di retiru òf ehekutá esaki.

Si akaso e bahada di entrada real ta mas abou ku a primaria i konsekuentemente e kompensashon tabata muchu haltu, lo deskontá e diferensia for di e siguiente aplikashon i/òf rekobrá e diferensia na final di e periodo di kompensashon for di e dunadó di trabou, sin but.

Den e kompensashon di NOW tambe tin inkluí un kompensashon pa e kontribushon di dunadó di trabou AOV/AWW.

Tur dunadó di trabou ku ta skohe pa hasi uso di e medida di urgensia aki, durante e periodo ku ta hasi uso di e areglo, ta obligá na paga tur su empleadonan ku ta registrá na SVB, i ta obligá na no entregá petishon di retiru òf ehekutá esaki.

E dunadó di trabou mester paga impuesto i prima sosial normal. Un di e kondishonnan pa por risibí kompensashon den un periodo , ta ku esakinan ta pagá (òf ku tin un areglo di pago). Ademas e dunadó di trabou NO por pidi pa kompensashon pa bahada di benta pa motibunan ku no ta relatá na e krísis di COVID-19.

E akuerdo ta konta solamente pa empleadonan ku ta registrá den e sistema di SVB for di e fecha 28 di febrüari 2020 i direktornan statutario ku ta registrá for di 15 di yüli 2019; i ku no a sali for di servisio, eventualmente agregá ku empleadonan pa kua e dunadó di trabou tabata paga primanan ZV/OV, pa medio di prosesonan ofishal di SVB. E areglo no ta aplikabel pa stazjèr, akshonista ku no ta den servisio, empresario ku negoshi propio (Eenmanszaak), direktornan statutario di kompanianan sin empleado i kompanianan gubernamental (tur empresa kaminda tin representashon di Gobièrnu den e bestür ku mas ku 50% di akshon òf fundashonnan ku ta risibí mas ku 50% di nan entrada dor di supsidio di Gobièrnu). Desde yüli 2021 e areglo no ta aplikabel pa empleadonan ku kontrakt di 0 ora. E dunadó di trabou mester yena un lista di empleado di 31 di yüli 2021. E suma di “loonsom” indiká den e lista di 31 di yüli 2021 ta keda aplikabel pa hinter e periodo di yüli 2021-desember 2021.

Bo por entregá bo petishon pa bini na remarke pa e areglo di NOW pa lunanan di yüli 2021, ougùstùs 2021 i sèptèmber 2021 for di djaluna 27 di sèptèmber 2021, 4 or di atardi te ku djaluna 4 di òktober 2021, 4 or di atardi. Pa por apliká pa promé biaha, lo bo tin mester di lo siguiente:

  1. Deklarashon i pago di Impuesto (OB) pa yüli 2021;
  2. Kantidat di empleado den servisio for di 28 di febrüari 2020;
  3. Deklarashon i pago di suèldu total OV pa yüli 2021;
  4. Lista di nòmber, fam, number di sédula, suèldu segun SVB, kantidat di dia di trabou pa siman di tur empleado ku tabata den servisio riba 31 di yüli 2021;
  5. Lista di nòmber, fam, number di sédula di e direktornan menshoná den bo statüt riba 15 di yüli 2019;
  6. Lista di nòmber i number di sédula di direktornan menshoná den statüt ku a sali for di servisio despues di 15 di yüli 2019.
  7. Kopia di informashon bankario pa verifiká e number di kuenta.

Despues ku e kompania entrega su aplikashon di luna yüli 2021 e ta risibí outomátikamente 2 invitashon separá ku ta konsistí di un URL-link ku lo dirigié direktamente pa e formulario di aplikashon di luna ougùstùs 2021 i sèptèmber 2021. Kompanianan mester yena tur tres formulario di aplikashon pa por bini na remarke pa supsidio salarial. Kompania nan ta risibí supsidio salarial solamente pa e luna ku a realisá un pèrdida di benta di mínimo 25% i máksimo 80%.

Kompanianan ku di aprel 2020 te ku mei 2021 ya a apliká pa supsidio di suèldu òf ya a risibí supsidio pa suèldu kaba, outomátikamente lo risibí tres invitashon separá ku ta konsistí di un URL-link ku lo dirigí nan direktamente pa e formulario di aplikashon di luna yüli 2021, ougùstùs 2021 i sèptèmber 2021. Nan mester yena solamente algun informashon den e formulario aki i mester añadí e siguiente informashon digital:

  1. Payroll pa luna di yüli 2021;
  2. Komprobante di pago di salario pa luna di yüli 2021, ougùstùs 2021 i sèptèmber 2021;
  3. Lista di nòmber, fam, number di sédula, suèldu segun SVB, kantidat di dia di trabou pa siman di tur empleado ku tabata den servisio riba 31 di yüli 2021;
  4. Komprobante di pago di OB, LB i primanan sosial pa luna di yüli 2021, ougùstùs 2021 i sèptèmber 2021 (solamente si no a entregá e deklarashon via medio elektróniko).

E kompanianan mester entregá i paga nan OB, LB i primanan sosial promé ku nan hasi un petishon. Si no nan NO ta bini na remarke pa supsidio di salario.

Despues ku a risibí e kompensashon, e aplikante ta obligá na yena un kuestionario regularmente ku Ministerio di Desaroyo Ekonómiko lo manda; esaki ta trata e Plan di Rekuperashon [Recovery Plan] ku a referí na dje anteriormente.

Tin tres (3) Helpdesk disponibel pa aplikante i empleadonan ku ta kai bou di e areglo di NOW:

  1. Dunadó di trabou ku durante e proseso di aplikashon ke drenta den kontakto pa risibí informashon tokante e repartishon di sektor òf tokante periodo/método di referensia pa entrada ku ta desviá. Nan por tuma kontakto pa medio di now@fondodisosten.org.
  2. Dunadó di trabou ku for di dos (2) dia despues di e periodo ku por entregá e petishon tin pregunta tokante pago di e supsidio di suèldu. Nan por tuma kontakto pa medio di subsidienow@svbcur.org òf via number di telefòn 4344199.
  3. Empleadonan ku ta di opinion ku nan dunadó di trabou no ta tene nan mes na e kondishonnan relatá na e areglo di NOW, por tuma tuma kontakto pa medio di sektor-labor@gobiernu.cw.
Yena formulario