Petishon pa Empresario Individual
E sosten aki ta destiná pa e Empresario Individual ku ta risibí ménos entrada pa motibu di e medidanan ku a ser tumá pa evitá ku e vírus di COVID-19 ta plama na Kòrsou, por bin na remarke pa un sosten temporal ku lo komplementá bo entrada te na un montante máksimo di ANG 1.335.
E portal pa hasi petishon pa ayudo komplementario ta sera pa tempu indefiní.
Entrante djaluna, 24 di mei, 4’or di atardi te ku djaluna, 31 di mei, 4’or di atardi tur Empresario Individual ku ya ta den sistema pa TBZO por adaptá nan datonan di mei 2021 pa risibí supsidio di e luna aki.
Tur Empresario Individual ku ya ta den sistema, ta risibí un mail ku link pa hasi posibel adaptashonnan na nan informashon.
Si bo no risibí un mail, por fabor tuma kontakto via empresario@fondodisosten.org.
Bo ta un Empresario Individual establesé promé ku 16 di mart 2020, ku a keda afektá pa Covid-19 pero bo no a yega di apliká pa sosten finansiero anteriormente? Ainda bo por bini na remarke pa supsidio finansiero (TBZO) pa luna di aprel 2021. Manda un mail entre djaluna, 24 di mei, 4’or di atardi i djaluna, 31 di mei, 4’or di atardi ku bo nòmber, number di telefòn, kopia di bo sedula, informashon di bo empresa, bo number di CRIB komersial, deklarashon di OB di promé kwartal di 2020 òf deklarashon anual di 2019 si tin areglo di RKO i un kopia di bo registrashon na Kámara di Komersio na empresario@fondodisosten.org.
Ta evaluá bo petishon i via mail bo ta risibí un reakshon.
Masha danki!